مبارك عليكم باجي الشهر
وتبون الصج ضايق خلقي لانه بيخلص احس مر بسرعه
وكاني انا رديت ولهت عليكم
الكل مستغرب بعدي عن النت فتره طويله
بس هذا من ضمن إجازتى
طبعا للحين مارديت ديرتي الكويت لاني ولهت عليها
ولهت علي شوارعها وبيوتها
وعلي عمتي وتشريبتها
وصب القفشه
~~
قررت أسرتى الكريمه انها تقضي رمضان في مكه
صج كان رمضان غير هالسنه
كل يوم ناس اتروح و ناس اتي
كل يوم اشوف ناس اعرفهم وناس ماعرفهم
وطبعا زحمه
بس زحمة حلوه
لانها زحمه علي عباده مو زحمه علي معصيه
وطبعا كل سنه اقرر اني اسوي رجيم ولا اكل أكل دسم بس للأسف حجي
وكل يوم هذي سالفتي اقول
ياناس انا قررت اسوي رجيم بليز إذا شفتوني اكل ذكروني اني اسوي رجيم
~~~
~
مادري ليش صارلي فتره بكتب ولا ادري شنو اكتب
صج خذيت إجازه مع نفسي
ولا من كثر لبحتي
يمكن خذيت إجازه 14 يوم بروحي
وحسيت بالوحده
تبون الصج
الوحده احس شي مميت
صج بالأول احس بهدوء
بس عقب 4 أيام غلقه
ماخليت احد ماتصلت عليه
وكل من كلمني يقول هاا مو انتي تبين تعقدين مع نفسج
اقولهم اي ماخلصت إجازتي مع نفسي
بس أنتو كسرتو خاطري وقلت اسمح بمروركم بإجازتي
واشكر كل من
كاريزما
صبا
سؤالكم ومباركم الشهر لي فرحني
:**
~~~
~
شارف رمضـان علي الرحيـل
أعـاده الله علينا وعليكم بعمر مديد
فأريد ان أعتذر لقلوب
أحبتي
لا أعلـم اهي راضيه عني
ام
ساخطه علي
لفعل جهلته او تقصير تماديت به
فاعيد لقلوبها صفائها
(اسفه)
من القلب لكل القلوب التي احبتني واحببتها
وتقبل الله منا ومنكم صيامنا وقيامنا
وكل عام و انتو بخير
~~
.
هناك 30 تعليقًا:
وانتي بخير وبصحة وسلامة
وينعاد عليج بصحة وسلامة
علينا وعليج ... تو الناس :)
الحمدلله عالسلامة مقدما
وطولت علينا
يا هلا يا هلا
منين طالعه الشمس ,,,شخبااااااارج
بالاحضان ياوخيتي :)))))))
يابختج قضيتي رمضان بمكه :))
لج فريه وانا بعد ولهت عليج
بانتظارج واذا بتردين الكويت قولي علشان نسويلج مسيره من المطار لي البيت
علينا وعليج باقي الشهر يالغاليه
وعيدج مبارك مره وحده ,,,اخاف ما تردين الا بعد العيد
بس هم طافج رمضان بالكويت
حلو مررررررره ؛)))))))
يا هلا
و يا مسهلا
حيا الله الغايبة
شخبارج يا بنت ؟؟
و عسى الله يتقبل طاعتج
بس عاد طولتيها ... :(
حافظج الكريم
طووولتي الغيبه يا وخيتي
الحمدلله ع السلامه ^_^
تقبل الله طاعتج و عساج
من العايدين الفايزين :)
خلج حوالينا لا تباعدين :))
عيدج مبارك حبيبتى وتقبل الله طاعتج
:)
و انتي بخير و صحه و سلامه
و بالعافيه عليكم ياارب
عيدج مبارك مقدمااا
salamz sweetee....
عيدج مبارك نوووووووووووووووووووور :****
و عساج من العايدين الفايزين :)
Miss Youuuuuuuuuuu
عيدج مبارك
وايامج سعيدة
عيدج مبارك يالغاليه
وتقبل الله طاعتج
:*****
عيدج مبارك يا يمه وعساج من العايدين الفايزين فقدتج من غير شر
الحمد لله على سلامتك
منوره دائماً يا نووور
بصراحه أعجبني عباره قلتيها يمكن لم يقرأها الكثير وهي تعني الكثير ويتوقف الواحد عندها أكثر من مرة وهي قولك (( وطبعا زحمه
بس زحمة حلوه
لانها زحمه علي عباده مو زحمه علي معصيه ))
ياسلام عليك وعلى إبداعك
ak-47
حيالله اخوي الكريم
وانتا بخيروصحه وسلامه
وعيدك مبارك
نورت مدونتى بهالزياره
:)
محسد
:)
حيالله اخوي الأيطالي
عيدك مبارك وايامك سعيده
اتغلي عليكم
؛)
يااااااااااااااااااهلا وغلا بصبا
هلا فيج حبيبتي
:*******
الحمدالله نمعه من ربي اني اقضي رمضان بمكه
:)
وسكتاي رديت ياناس الف يمين يسار ادور مسيره زفه علي لاقل ماكوووو
:(((
بس انا الغلطانه ماقلت لج متى ردتي لاني لهيت اخر الايام
صج ولهت علي رمضان الكويت و الجو الي هناك بس ان شاء الله الله يكتبه لنا السنه الجايه
:)
عيدج مبارك ويامج سعيده حبيبتي
:**
العيد بمكه عجيب ويضحك
وان شاء الله اتجربينه
نورتي يالغاليه مدونتى
:**
عثماني
:)
اهلين وسهلين
حيالله اخوي عثماني
مناومنك صالح لاعمال
وعيدك مبارك
:)
انا اتغلي عليكم
:q
نورت مدونتى بهالزياره
قلب طفله
:)
هلا وغلا بالطفوله كلها
عيدج مبارك حبيبتي وتقبل الله طاعتج
:**
الله يسلمج من كل شر
اتغلي عليكم
:q
نورتي مدونتى بهالزياره
:**
هلا وغلا بكاريزما
حيالله حبيبتي
ولهت عليج
عيدج مبارك وتقبل الله طاعتج
:***
نورتي مدونتى بهالزياره
:)
خروفه
:)
هلا وغلا بخروفتي
اشلوونج يالغاليه
:***
عيدج مبارك وعساج من عواده
نورتي بالهزياره
:)
هلا بالافندر كله
عيدج مبارك حبيبتي
وعساج من عواده
misssssssssssssssssss y0u tooooooo
:****
عطرتي مدونتى بزيارتج
:)
العجوز
هلا وغلا هلا بالخالتي هلا بالشيخه
وللللللللللهت عليج وعلي سوالفج
:********
ماتفقدين غالي يارب
:)
عيدج مبارك وعساج من عواده
نورتي مدونتى بالهطله الحلوه
:**
وينج مو علي الساحه ؟؟
نزلي بوست يديد ,,ولهنا علي تدوينج
واذا ما عندج اسلفج ؛))
لج وحشه يا نور
صج الرد متأخر ....
بس مبارك عليج الشهر وعيدج مبارك وتقبل الله الاعمال وكل عام وانتي وكل من يقرأ بخير وصحه وسلامته ....
وننتظر ماهو جديييييييد
معتـز
:)
حيالله اخوي معتـز
تدري لأسمك عندي مكانه خاصه ..
الكل كان يشتكي من الزحمه بس كنت اشوفها حلوه لانها لله سبحانه وتعالي
شكرا علي تعليقك في مدونتى المتواضعه
ونورت بزيارتك لها واتمني ماتكون لاخيره
:)
غير معروف ..
:)
شكرا علي مرورك ..
وكل عام وانت بخير
نورت مدونتى بزيارتك
:)
صبـا
هلا وغلا فيج حبيبتي
:**
موجوده بالساحه وكل يوم اقرر انزل بوست والف فكره وفكره براسي وكل بوست ينط قبل الثاني ..
وتولهه عليج العافيه يارب
:**
نورتيني يالغاليه
:)
الطائر الحـر
:)
حيالله اخوي
حتى لو كان الرد متأخره ..
بس المعايده حلوه ومشكور وتسلم وكل عام وانت بخير وصحه وسلامه ..
نورتنا بهالزياره واتمني ماتكون لاخيره
:)
اهلين كيفك وينك اليوم.........ام فيصل هههههههههههههههههه
كم هي صعبة تلك الليالي
التي أحاول أن أصل فيها إليك
أصل إلى شرايينك
إلى قلبك
كم هي شاقة تلك الليالي
كم هي صعبة تلك اللحظات
التي أبحث فيها عن صدرك ليضم رأسي
حبيبي
الشوق إليك يقتلني
دائماً أنت في أفكاري
وفي ليلي ونهاري
صورتك
محفورة بين جفوني
وهي نور عيوني
عيناك ..... تنادي لعيناي
يداك ..... تحتضن يداي
همساتك .. تطرب أُذناي
يا حبيبي
أيعقل أن تفرقنا المسافات
وتجمعنا الآهات
يا من ملكت قلبي ومُهجتي
يا من عشقتك وملكت دنيتي
حبيبي
عندما أنام
أحلم أنني أراك ... بالواقع
وعندما أصحو
أتمنى ان أراك ثانية ...في أحلامي
إرسال تعليق