نظرا للاجواء الي اتحيط فيني احس كل شي يدعو للرومانسيه ... للـهم لك الحمد جوو خيال عجيب بس ناقصنا براد ..الكل يقرر فجاه يلبس احمر وردي الوان تحسسك بأيام حب ..طبعا فجاه الشي الوحيد الي ماتوقعت بدريتي انه حتى البورصه تعلن الحب
وتلبس
احمــــــــــــر
p:
~ ~ ~ ~
(ان تعود إلي الرسم إي تعود إلي الحب )
بيكاسو
حايشني مود انه أبي ارسم وقررت انه ارسم طبعا من كنت صغيره وانا ارسم واحب الرسم
بس مافكرت اني اتخصص بشي معين بالرسم فقررت انه اتعلم ارسم بالزيت
وفعلا عزمت وسجلت بدوره
كل من سالني عن اخر انجازاتي واقول ماخذه دوره رسم
طبعا قمة لاحباط
ماكوو شغل
ترسمين
وفيه ناس عسى الله مايخليني منهم
عفيه علي فنانتا الصغيرونه
يلا ننطر
لوحاتج
:)
وايد صايره احب الهدوء
اسمع فيروز
واناارسم
و بكلاس الرسم لاحظت انه اغلب الطلبه يختارون الوان وايد هاديه
وكله يرسمون ورد واشياء صج تدعو للرومانسيه
(الرسم ...في النهايه لانرسم مانسكنه ..وإنما نرسم مايسكننا..)
احلام مستغانمي
ذاكرة الجسد
~ ~ ~
صايره اقري 3 كتب بوقت واحــد
في كتاب للشاعره صدي الحرمان
اشعارها
حلوه
وان شااءلله انزل لكم بوست عنها
~ ~ ~
ودعوه للكل يعيش في رومانسيه بهالأجواء الحلوه براد وغيوم وابتسموو وأنسوو الهموم
ولا تخلون أي شي يعكر هالموود
(إن مـافي أعماقنا هـو لنـا ولن تطوله يـد أحـد ...)
أحلام مستغانمي
...
هناك 37 تعليقًا:
هلوووووووو
صباح الشوق والرومانسيه
وبوست كله رومانسيه
اي والله هالجو اينن روعه يدوخ يطيرني لعالم ثاني وياخذني بعيد هناك عند القمر بروحي واسرح وامرح ...
والرسم فن عفيه عليج طوري من موهبتج وراوينا ابداعاتج :)))
والاحمر اموت علي لون الاحمر ما تشوفيني لابسته بالصوره ...أينن ؛)))
وحشتيني
:***
وااااااي
فديتني والله
الاولي :)
السلام عليكم
الصراحة اللي عجبني بالمدونة انج تحبين الرسم مثلي
بس الفرق ان ما عندي وقت عشان ارسم
وقتي كله دراسة X دراسة
انا من اول ما شفت الغيوم
رحت البحر وسكرت تلفوني
ونسرحت
ونسيت الدنيا كلها
وقبل امس رحت البحر ومعاي كتابي وقريته كله
بالصدفة مر علي واحد اعرفه
طبعا اول ما شافني بهالوضع ما عجبه كللللش
بس قلت بنفسي طاااااااااااااااااف
اهم شي انا مرتاح
الله يتمم علينا وكليكم هالراحة
آسفين على الاطالة
جميييل
رسم
و ادب
و شعر
كاملة و الكامل الله
ما شاء الله عليج
:)
مساء الورد
الجو اليوم اروع من الرائع فعلا جو رومانسي جو يدعوا للتفاؤل جو يشجع كل شخص يمارس هوايته بالاخص....
الرسم.... والشعر ...والكتابة ...
اختيار ورة الرسم شيء جميل جدا لا للأحباط .....نعم للتميز والابداع
يبيله قعده بحديقة البيت....وتشوين...والاهل متيمعين..واليهال يناقزون ...و الشباب كوت بو سته...ايباااااااا
ياحلو هالدعوه و الله :**
فعلا مع هالجووووو الخيالي
أحس ودي أستمتع بكل لحظة و بكل دقيقة :)
الجوووو ايوز ع الرومانسيه
غصب طيب لو المود متعكر يتعدل
يازين الغيوم و المطر و الهوا البارد
نبي نشوف رسماتج :))
فعلا الجو روووعه
ويشجع وايد على الابداع
وعلى كل جميل:)
مساء الورد
عندما تكون الرومنسيه مرتبطه بجو
فإن هذا الجو مؤقت يزول بزوال السبب
ربما يعكر الجو غبار او نحوه فتزول الرومنسية
ليست الرومنسية أن أسمع فيروز أو أجلس بجو هادئ
الرومنسيه حيه بالقلب لا تموت أبداً تخرج عندما يحصل لها إثاره
تجدها تخرج تلقائياً ولو كان الجو أتربه وإزعاج
الرومنسيه تحيا بالنفس ولا تفارق من يعرفها أبداً
ومن يتصنع الرومنسيه أو يجدها في نفسه لوقت محدود وبظرف محدود فإنه للآسف لا يعرف عن الرومنسية شي
موضوع رائع يثير فضولي ويثير رومنسيتي كذلك
أشكرك أيتها المتميزه / نووووور على هذا الإبداع
طول عمري رسام فاشل عشان جذي ما أحب الرسم كنت بالآفنيوز وشفت معرض الرسم ما أنكر ان في رسمات وايد حلوه على بعض المبالغات من بعض الأخوة والاخوات الرسامين والرسامات لكن كانت اكثر الصور جميلة لكني ما استمتعت فيهم والسبب تذكري اني فاشل بالرسم لكن الناس طبايع واجناس.
شفيكم على فيروز!! ام كلثوم احسن:) وابتهالات محمد عمران احسن:
http://www.youtube.com/watch?v=8FOY6W388CY
طبعا هذا مثال بس تراه مو إبتهال:)
اقري حق اسماعيل صبري راح تعجبج اشعاره:
http://www.poetsgate.com/poem.php?action=poet&id=339
اتمنى تعجبج
احلام مستغامني مادري ليش ما أتشجع اقرا لها مثلها مثل غادة السمان!!لكن يمكن اقرا لها منو يدري؟:)
مشكورة على موضوعج جميل جدا
صقر قريش
الغيمه الي بالصوره عجيييييبه
تخيلت نفسي بوسطها ومن مكان لي مكان
الله ؛؛؛
تقبلي مروري الثاني
تحياتي
دعوه جميله صادقه مفعمه بالرومانسيه
صبــــــــــــا
:********
ياصباح الحب والورد
ياعيني عليج الاولي ان شاءالله دايما اشوفج لاولي :**
حبيبتي والله واي انا اموت علي لاحمر واشوف الحلو لابس حلو مثله
؛)
نورتيني يالغاليه
:*
q8-analyst
حيالله اخوي الكريم
مشكور كلك ذوق
وانا انصحك انه اتحاول ترسم حتى لو شي بسيط يخفف عليك اشوي الروتين يعني يوم بالاسبوع او روح شوف لوحات اومعارض
انا عن نفسي في لوحات اشوفها احس انه انا راسمتها
؛)
وعن الجو للـهم لك الحمد صج حلو وعن نفسي اي اشي يعجبني اسويه بهالجو ارسم اقري طبعا مرات مايعجب الكل بس مالي شغل فيهم وانصحك خلك جذي الي انت تبيه سوه
:)
نورت مدونتي بهالزياره
حيالله اخوي عثماني
:)
اخجلتني الصراحه
ومشكور كلك ذوق
:)
نورت مدونتى بهالزياره
الطائرالحر
حيـالله اخوي
:)
فعلا جو ولله الحمد عجيب ويدعو للتفاءل والوناسه وراحت البال وللابتسامه ودائما للحب..
فعلا نعم للتفاءل والتميز..
:)
نورتني بهالزياره
حيالله اخوي بوسعد
اي والله انك صاج وااي انا صايره سنعه كله اتربع اسوي لهم باربيكو يوم الزوراه
p:
صج اتحس جو يزرع لابتسامه غصب حتى لو المود مو شي
بس عاد كوت بوسته ...ماعرف العب
:\
بس اعرف اشجع
p;
نورتني بهالزياره
ياهلا بللافندر وريحة للافندر
:**
وااي حبيبتي من صج احس جو يعذب غصب اصير ورمانسيه p;
ولا اتعرفين هالجو يساعد اكل كاكاوو بعد
؛)
نورتيني يالغاليه
قلب طفله
هــلاومرحبا
:**
وااي والله صاجه غصب ايوز عالرومانسيه اقولهم مو ذنبي والله الجوو حلو يدعو للرومانسيه
:(
ان شاءالله بعرضهم عن قريب
:)
نورتيني يالغاليه
:*
اقصوصه
هــلاومرحبا بزائرتي
فعلا جو خيال
يدعو للخيــال في كل شي سواء رسم او كتابه ...
:)
نورتني مدونتى بزيارتج
معتـز
:)
حيالله اخوي الكريم
ربما هي وجهات نظر عندما لاجواء تدعونا للرومانسيه
ولكـن انا عن نفسي توجد اجواء تدعوني للرومانسيه حتى ولو كانت مفقوده ..
وبالذات تحت قطرات المطـر
تلك القطرات الي تحكي لي اجمل ماقيل فيها ...احبها عندما تداعبني بتلامسها ..وتعطرني بعبقها..احبها تلك القطرات لي معاها لحظات تدعو للرومانسيه..
شكرا لزيارتك التي تدعو للرومانسيه
:)
نورت مدونتى بزيارتك
صقر قريش
حيالله اخوي الرسام
:)
لا لاتقول عن نفسك انك رسام فاشل انت رسام بس ماحاولت اتعرف شنو اتحب ترسم صدقني الرسم حلو وحاول اتعيش معاه لحظات ...شفت المعرض في لوحات حلوه عشت معاهـا وحسيت اني راسمتها وفيه عاديه
:)
معرض الكتاب جريب وبحاول اشتري كتب عن هالشاعر ..
بس فيروز احب اسمع لها وام كلثوم ..يعني مو كل وقت علي حسب المود
:)
نورتني بهالزياره واتمني ماتكون لاخيره
صبـا
:**
حياج الله حبيبتي بأي وقت مرورج حلو علي قلبي :)
فعلا الغيمه والصوره عجيبه
:)
نورتيني يالغاليه
بـراك
حيالله اخوي الكريم
مشكور واتمني لك اجواء حلوه بهالجو
:)
نورتني بهالزياره
بالويك اند الي طاف فرشت ابساطي بالحوش و شغلت الدوه و الجاي الخضر و الزعتر و المرميه و بطاط على الفحم و بسكوت والجاي والحليب...وكيك وحب لين صار المكان مزدحم بالاهل ....
خوش دعوة حسافة شفنها متاخر :)
مساء الورد
الحب مو مقيد بس باللون الأحمر
كل لون يرمز للحب بطريقة خاصة
بس يضل الأحمر حسب الموروث والفلكلور
هوه رمز الحب الأبدي!!!
الرسم مرآة الخيال
ودنيا إحنا نشكلها
بحر ورمل ورود ووجوه نفتقدها
عزيزتي بالصدفة دخلت هالمكان الحلو
وأنشاء الله لى توجد دائم
شكرا لك
وبس
بابل
رقة القلب
والمطر
وبرد الشتا
ها كله يساعد ع الرومنسيه:)
تدوينه جميله:)
عيدج مبارك حبيبتى
كل عام وانت بالف خير
:*
عسا المانع خير....
بانتظارج
وعيدج امبارك و عساج من عواده
كل عام و انتي بخير خيتو :)
و عيدج مبارك
لابي يديم الحب في حياتج دايم دووووم :)
فعلا فعلا الجو جو حب بانتظار أشعارج :)
حبيت امر واسلم ادري انا مقصر بس الشتا يلهي الواحد طلعات ووناسة :)
كل عام وانتي بخير صج متأخر بس ميخالف ...
بانتظار الجدييييييد
بلوقز يدعو للرومانسية الهادئه
فعلا اجواء تدعو للرومانسية وجميلة وناعمة
ارسمي واحلام مستغانمي عشقي
كالشموس اشرقي
AK-47
بـابل
أقصوصه
charisma
bu-saad
قلب طفله
ليـن
الطائر الحر
عابـره
اشكرك لكم تلك القلوب المضيئه التي تنير مدونتى
وأعتذر عن فتره غيابي
شكرا لتواجدكم هنا في عالمي
:)
نورتم مدونتى
إرسال تعليق