السبت، 31 أكتوبر 2009

سوالف ...ممطره




احب أهنيكم علي هالجو الحلو والله يتمم علينا ولا يغيره علينا ويبعد عنا الغبره والرطوبه
طبعا هالفتره ايكون الجو خيالي ولا يساعد علي السفر ابدا
فتطر انك اتمارس هوايه اتساعدك علي التعايش مع هالجو
يعني مافيه إلا انك اتروح الشاليه او المزرعه اولاسطبل
بس هالاماكن اتحصل بالويك اند مو بايام لاسبوع
:(


وين انرووح
؟؟


الي راح معرض الكتاب

جم كتاب منع في الكويت
وشنو الكتب الحلوه
؟؟



طبعا سؤال للكل
إذا طق مطر شنو اتحب اتسوي

انا عن نفسي احب اللعب بالديرفه
واذكر وانا صغيرونه كنت احب اطامربالحوش
واغني تحت المطر

يعني كنت مشروع فنانه استعراضيه
:q

انطر تعليقكم علي الصوره
؟
اتمني لكم بداية اسبوع جميله وممطره

هناك 12 تعليقًا:

غير معرف يقول...

انا وقت المطر احب اطلع اتمشى او علي الاقل اكون في مكان شبه مفتوح
واشوف المطر

Noor يقول...

غير معروف

فعلا في وقت المطر نكره الحواجز وانحب انعيش لحظه نزوله ..

نورني تعليقك في مدونتي
وانتظر المزيد ..

نورت
:)

bu-saad يقول...

مصائب قوم عند قوم فوائد!!
تنك صدري ..على المطره ؛)

Unknown يقول...

مسكينه هل الامووووره ليش واقفه جذي...

صورة معبره جدا

اما اذا نزل المطر فأحب ان اقف على اما الشباك وبيدي كوووووي من الشاي الاخضر..........

غير معرف يقول...

تسلمين نووووووور
موضوعك ريحته مطر
الله يسعد أيامك

حبيت أسلم عليك
تحياتي

معتز يقول...

آسف طلعت غير معروف يتعليقي السابق

المعذرة نووووووور

Noor يقول...

بوسعد

:)

سبحان الله صج مصائب قوم عند قوم فؤائد

ماتشوووف شر

وكثر من الزنجبيل والينسون ترى وايد مفيد بهالفتره

نورتنا..
:)

Noor يقول...

الطائر الحـر ..

:)

شفت مسجينه مخلينها بهالمطر بروحها تدري ودي انط بداخل الصوره واطقهم ونقعد انا وياها تحت المظله p:

نورتنا ..
:)

Noor يقول...

معتــز ..

:)

حيالله معتز
والله يسعد ايامك ويكثر فيها صوت وريحة المطر ..

:)

نورتنا ..

غير معرف يقول...

خالد صاحب الشاشه المكسوره :)

تعليقي على الصوره ...

هكذا دائما المرأه هي من يضحي ..

Noor يقول...

خالد صاحب الشاشه المكسوره

:)


فعلا هي من يضحي ..

لانها ساذجه
هي لا تعرف في بعض المواقف مانية الرجل

ولكن تدري لاجمل بانها ترى الدنيا وكأنها لعبه ..
:)

نورت ياخالد

طارق يقول...

التميز والابدع بعد عناء وجدته هنا بين يديكي
مدونه ومواضيع لها نكهة خاصه وطعم لذيذ
كلمات ترقى لها القلوب
سلمت يداكي وشكرا لكي على ابداعك مررت من هنا ولي عوده ان شاء الله